Uzun müddətdir insanlar üzərində klinik sınaqlara başlamaq hüququ axtaran Neuralink şirkəti bu il artıq xəstənin beyninə kompüterlə əlaqə saxlamağa imkan verən implantasiyası üzrə ilk əməliyyatı həyata keçirib. Əvvəllər bildirilirdi ki, ümumilikdə bu il bu cür əməliyyatlar 11 könüllü xəstə üzərində aparılacaq.
Şirkət klinik sınaqlar uğurlu olarsa, kütləvi istehsal etməyi planlaşdırdığı implantı üçün artıq bir ad tapıb. Telepatiya olaraq adlandırılan bu, insana bir smartfonu, kompüteri və ya hər hansı digər cihazı “sözün həqiqi mənasında düşüncə gücü ilə” idarə etməyə imkan verəcəkdir. Maskın sözlərinə görə, startapın məqsədi beynin sinir sistemi ilə qarşılıqlı əlaqəsində ağır pozğunluqları olan insanlara kömək etməkdir. “Təsəvvür edin ki, Stiven Hokinq təcrübəli makinaçının mətni yaza və ya auksionerin sözlərini tələffüz edə bilməsindən daha sürətli ünsiyyət qura bilirdi”, — deyə şirkət rəhbəri misal çəkib.
Yada salaq ki, sınaqların əvvəlki mərhələlərində Neuralink həlli eksperimental meymunlar tərəfindən beyin siqnallarından istifadə edərək kompüter oyunlarında obyektləri idarə etmək üçün istifadə olunurdu. Məsələn, çip implantasiya edilmiş makaka kompüter ekranında stolüstü tennis oynayırdı. Şirkət əvvəlcə 2019-cu ilin sonuna qədər implantın insanlarda sınaqdan keçirilməsini istəyirdi, lakin icazəni yalnız indilərdə ala bilib. Xəstənin beyin qabığına nüfuz edən elektrodlar 2 millimetrdən az dərinliyə gedir, lakin bu, bir çox rəqib həllərə bğnzəyir. Beş və ya on xəstədən ibarət ilk qrupda implantların sınaqdan keçirilməsi adətən təxminən altı ay çəkir. Bu mərhələdə hər şey yaxşı olarsa, şirkət sınaqlarını genişləndirə biləcək. Neuralink-in elmi məsləhətçiləri şirkətin beyin implantlarının kütləvi istifadə üçün təsdiqlənməsinin illər keçəcəyini deyirlər.
