International Data Corporation (IDC) analitikləri qlobal bazara planşetlərin tədarükü ilə bağlı yeni hesabat dərc ediblər. Orada sənaye mütəxəssisləri 2024-cü ilin 3-cü rübünün nəticələrinə əsasən brendlərin populyarlığına dair statistik məlumatları nümayiş etdiriblər.
Siyahıda birinci yeri yenə də dünya bazarının 31,7%-ni ələ keçirərək 12,6 milyon cihaz (keçən ilin eyni dövrü ilə müqayisədə 104% çox) tədarük edən Apple şirkəti tutub. Onun ardınca 17,9% payla Samsung gəlir — şirkət həmçinin 7,1 milyon planşet (2023-cü ilin 3-cü rübü ilə müqayisədə 18,3% çox) tədarük edərək öz göstəricilərini yaxşılaşdırmağa nail olub.
Üçüncü yerdə 4,6 milyon Kindle Fire planşetlə Amazon (bazarın 11,6%-i), dördüncü yerdə isə 3,3 milyon ədəd, bazar payı 8,2 faizlə HUAWEI qərarlaşıb. İlk beşliyi 3 milyon cihaz tədarük etməklə Lenovo qapayır (ümumi tədarüklərin 7,6%-i).
Ümumilikdə, 2024-cü ilin üçüncü rübündə dünya üzrə təxminən 40 milyon planşet tədarük edilib ki, bu da ötən ilin eyni dövrü ilə müqayisədə 20,4% çoxdur.
Fikirləriniz ?
