Beynəlxalq Ticarət Komissiyası ABŞ-da “Apple Watch Ultra 2” və “Series 9” modellərin satışını qadağan edib. Bu xəbər dekabrın 21-də məlum oldu, lakin həmin zaman Co Baydenin bu qərara veto qoyması şansı hələ də var idi.
Qadağanın təşəbbüskarı Apple-ın “qan oksigen sensoru” üçün patentlərini pozulduğunu iddia edən “Masimo” şirkəti idi. ABŞ Beynəlxalq Ticarət Komissiyası “Masimo”-nun arqumentləri ilə razılaşdı və indi “Apple Watch Ultra 2” və “Series 9”-un yeni partiyaları artıq mağazalara çatdırılmayacaq. Saatları mağazalara geri qaytarmaq üçün “Apple” aşağıdakıları edə bilər:
— Apellyasiya şikayəti versin.
— Masimo ilə danışıqlar aparsın.
— Patentləşdirilmiş texnologiyanı əvəz etsin.
Apple-ın Reuters-ə verdiyi məlumata görə, şirkət “bütün tədbirləri görür” — Apple artıq ABŞ Federal Dairə Məhkəməsinə apellyasiya şikayətini verib və problemin proqram təminatı üzərində həll etməyini fikirləşir. Qeyd edək ki, qadağa yalnız ABŞ ərazisinə aiddir: orada saatlar satıla və ya satış üçün ölkəyə gətirilə bilməz. Digər ölkələrdə isə cihazları hələ də əldə etmək mümkündür.
