Insayder Moore’s Law Is Dead (MLID)-in sözlərinə görə, AMD və NVIDIA kimi ən böyük videokart istehsalçıları GPU buraxılış dövrünü uzadır.
Əvvəllər qəbul olunmuş ikiillik ritmin əvəzinə, qrafik sürətləndiricilərin yeni nəsilləri indi təxminən üç ildən bir və ya daha gec təqdim ediləcək. MLID bildirir ki, buraxılışlar arasındakı fasilənin artması tendensiyası artıq uzun müddətdir müşahidə olunur. Qrafik sürətləndiricilər sənayesinin ilkin dövrlərində yeni nəsillər hər səkkiz aydan bir çıxırdı. Son illərdə bu interval 1,5–2 il təşkil edirdi, yeni standartla isə bu müddət 2,5–3 ilə qədər uzanacaq.
Bundan əlavə, insayderlərin məlumatına görə, GeForce RTX 50 seriyası əslində hələ 2024-cü ilin sonunda təqdimata hazır idi, lakin sürətləndiricilərin daha gec təqdim olunmasına qərar verildi. AMD-nin RDNA 5 arxitekturasının isə gələn ilin ortası və ya sonuna doğru təqdim ediləcəyi gözlənilir ki, bu da təxminən 2,5 illik dövrə uyğun gəlir. Beləliklə, bu il yeni qrafik sürətləndiricilərin çıxışı gözlənilmir. Proqnozlara görə, onların relizi 2027 və ya hətta 2028-ci ilə qədər təxirə salınıb.
MLID-in fikrincə, şirkətlər üçün oyun seqmenti artıq əvvəlki qədər cəlbedici deyil, çünki server sürətləndiriciləri və süni intellekt həlləri onlara qat-qat daha çox gəlir gətirir.
Fikirləriniz ?
