Apple A19 Pro prosessorunun ilk testləri, iPhone 17 Pro-da quraşdırıldıqda, müəyyən şübhələr doğurmuşdu, lakin seriyalı cihazların yekun nəticələri bütün suallara aydınlıq gətirdi. Yeni çip həm mövcud rəqiblərlə müqayisədə ən yüksək məhsuldarlığa sahib oldu, həm də enerji səmərəliliyində liderlik göstərərək, bütün mobil çiplər arasında “vatta görə performans” göstəricisində ən yaxşı nəticəni nümayiş etdirdi.
Geekbench 6 çoxnüvəli testində yeni A19 Pro 12,1 Vt enerji sərfiyyatı ilə 11 054 xal toplayıb. Müqayisə üçün, ən yaxın rəqib Xiaomi XRING 01 14,1 Vt istehlak edərək 14,2% daha zəif səmərəlilik göstərib və 10 000 xalı keçə bilməyib. Snapdragon 8 Elite 10 242 xal toplamaq üçün 17 Vt enerji tələb edib (28,8% daha çox), Dimensity 9400 isə ən çox “iştahalı” olub – 18,4 Vt sərfiyyatla 34,2% geri qalıb.
Təkt nüvəli rejimdə də A19 Pro inamla liderliyini qoruyaraq, 4019 xal toplayıb – bu isə bütün mobil prosessorlar arasında ən yüksək göstəricidir. Beləliklə, Apple çipi rəqiblərin yeni həlləri çıxana qədər sintetik testlərin bütün əsas ssenarilərində lider mövqedədir.
Arxitektura üstünlükləri də xüsusi diqqətə layiqdir: A19 Pro yeni sxemotexnika əsasında yaradılıb və TSMC N3P (3 nm texnoloji prosesin üçüncü nəsli) ilə istehsal olunur. Bu, şirkətə yalnız sintetik testlərdə deyil, real ssenarilərdə də irəliləyiş əldə etməyə imkan verib. AAA-oyunlarının nəticələrinə görə, yeni çip A18 Pro və A17 Pro ilə müqayisədə kadr tezliyini 69%-dək artırır.
Fikirləriniz ?
