Apple bu gün “Awe dropping” adlı tədbir keçirdi və onun çərçivəsində iPhone 17 smartfonlar xəttini təqdim etdi. Flqman modellər iPhone 17 Pro və 17 Pro Max, həmçinin super nazik iPhone Air ilə yanaşı, baza versiyasına aid iPhone 17 də təqdim olundu. Yenilik əvvəlki dizaynı qorusa da, təkmilləşdirilmiş displey və daha güclü aparat platforması daxil olmaqla bir sıra mühüm yeniliklər əldə edib.
Xarici görünüş baxımından iPhone 17 demək olar ki, ötənilki iPhone 16 ilə eynidir: eyni düz kənarlar, mat şüşə arxa panel, oxşar kamera dizaynı və nisbətən kompakt Dynamic Island. Yenilik beş rəngdə təqdim olunacaq: açıq bənövşəyi, göy, qara, ağ və açıq yaşıl.
iPhone 17 6,3 düymlük ekrana sahibdir və nəhayət yüksək yeniləmə tezliyi ilə təchiz olunub — əvvəllər bu xüsusiyyət yalnız iPhone Pro modellərində mövcud idi. Ekranın tezliyi kontentdən asılı olaraq 1-dən 120 Hz-ə qədər dinamik şəkildə dəyişə bilir. Həmçinin Apple yenilənmiş qoruyucu şüşəni vurğulayır ki, bu da ekranı cızıqlardan və zərbələrdən daha yaxşı qoruyur.
Fikirləriniz ?
