Keçən həftə Apple təsadüfən proqram alətini yayımlayıb, daha sonra isə onu silib. Bu alətdə hələ təqdim olunmamış cihazlar və çiplərin identifikatorları yer alıb. Sızmanı “Bloomberg” jurnalisti, “alma” brendinin məhsulları üzrə insayder Mark Gurman şərh edib.
MacRumors-un məlumatına görə siyahıda bu cihazlar qeyd olunub:
— S9 çipindən köhnə olmayan HomePod mini kolonkası;
— A17 Pro prosessorlu Apple TV konsolu;
— Studio Display monitoru (A19 Pro);
— iPad mini planşeti (A19 Pro);
— əsas iPad (A18);
— Vision Pro qarniturası (M5);
— ağıllı saatlar — Watch Series 11, Ultra 3 və SE 3 (S11).
Mark Gurmanın sözlərinə görə, bu sızma onun əvvəlcə mənbələrinə əsaslanaraq yaydığı məlumatları təsdiqləyir. Jurnalist iddia edir ki, yeni Apple TV və HomePod mini modellərinin təqdimatı payızda gözlənilir, iPad-lərin və monitorun isə şirkət tərəfindən 2026-cı ildə təqdim ediləcəyi ehtimal olunur.
Gurman həmçinin bildirib ki, Apple hazırda M4 çipli yeni Vision Pro versiyasını test etməyə davam edir, baxmayaraq ki, sızmada daha güclü M5 ilə olan model göstərilib. Ola bilsin, şirkət hər iki variantı nəzərdən keçirir — məsələn, gələcək qarnituralardan biri “büdcəli” model kimi mövqeləndirilə bilər. Şirkətin özü isə bu sızmaya heç bir şərh verməyib.
Fikirləriniz ?
