“Apple TV” xidməti iOS platformasından nəhayət ki, kənara çıxdı — indi “Apple TV” mobil tətbiqini Android-də yükləmək mümkündür. Tərtibatçıların fikrincə, o, funksional olaraq orijinal versiyadan fərqlənmir və siz birbaşa Google Play-də abunə ola bilərsiniz.
Yükləndikdən sonra proqram “Apple TV+” abunəliyinin üstünlüklərindən yeddi gün ərzində pulsuz istifadə etməyə imkan verəcək sınaq versiyasını aktivləşdirməyi təklif edir. Apple-ın futbola yönəlmiş yayım xidməti olan “MLS Season Pass” üçün isə ayrıca abunə mövcuddur.
Android tətbiqi “Apple” cihazları üçün proqrama bənzəyir və filmlərə, tok-şoulara və digər məzmuna baxmağa imkan verir. “Sevimlilər”, şəbəkəyə çıxış olmadan baxmaq üçün proqramı yükləmək imkanı, “baxmağa davam et” və “balaca görüntü” funksiyaları, habelə əlillər üçün cari səhnələrin altyazıları və təsvirləri mövcuddur.
Tətbiq “AAC” kodeki, “Dolby Atmos” və “Dolby 5.1” texnologiyalarını dəstəkləyir. İlkin istifadəçilər rəylərdə bildirirlər ki, Android versiyası stabil və problrmsiz işləyir, lakin ona filmlərin icarəsi və ya alınması, həmçinin yeni epizodlar üçün bildiriş funksiyaları daxil deyil.
Fikirləriniz ?
