İnternetdə tezliklə bazara çıxacaq GeForce RTX 50 seriyasının mobil videokartları haqqında yeni məlumatlar peyda olub. İnsayderlər noutbuklar üçün nəzərdə tutulmuş altı GPU modelini, eləcə də onların gözlənilən buraxılış tarixini qeyd ediblər.
Videocardz portalının məlumatına görə, şirkət X11, X9, X7, X6, X4 və X2 indeksli altı GPU modelini (flaqmandan əsas versiyaya qədər azalma ardıcıllığı ilə) buraxmağa hazırlaşır. Bütün yeni video kartlar GDDR7 yaddaşı ilə təchiz olunub və ehtimal ki, büdcə nişini bir müddət əvvəlki nəsillərin əsas modelləri tutacaq.
Mənbəyə görə, gələcək yeni məhsullar üçün minimum VRAM miqdarı 8 GB yaddaş, maksimal isə 16 GB olacaq. Qeyri-rəsmi yol xəritəsinə əsasən, NVIDIA RTX 50 əsasında ilk noutbuklar gələn il satışa çıxarılacaq. Bunun 2025-ci ilin birinci rübündə baş verəcəyi gözlənilir.
Fikirləriniz ?
