Counterpoint Research analitikləri 2022-ci ildən 2024-cü ilə qədər qlobal smartfon satışlarının statistikasını açıqlayıblar və Xiaomi-nin artım templərinə görə Apple və Samsung-u geridə qoymağı bacardığını bildiriblər. Analitiklər həmçinin smartfonlarda generativ süni intellektin gələcəyi ilə bağlı fikirlərini bölüşüblər.
Araşdırmaya görə, 2024-cü ildə smartfon bazarı 4% artıb, Samsung isə bazatın lideri olub (19%). İkinci yerdə Apple (18%), üçüncü yerdə isə Xiaomi (14%) qərarlaşıb. Lakin ümumi payın itirilməsinə baxmayaraq, sonuncu illik müqayisədə 1% artıb, Apple və Samsung-un bazar payı 2023-cü illə müqayisədə azalıb.
Üstəlik, Xiaomi ABŞ bazarında demək olar ki, mövcud deyil, buna görə də bu nəticə daha da təsir edici görünür. Counterpoint Research analitiklərinin fikrincə, Xiaomi-yə premium seqmentə daxil olması və innovativ marketinq kampaniyalarına diqqət yetirməsi kömək edib.
Analitiklər həmçinin bildiriblər ki, generativ süni intellekt təkcə flaqmanlar üçün deyil, həm də orta seqment cihazlar üçün normaya çevriləcək. 2028-ci ilə qədər qiyməti 250 dollardan aşağı olan hər on smartfondan doqquzunda süni intellektlə işləyən tətbiqlər olacaq.
Fikirləriniz ?
