Samsung özünün ilk üçtərəfli qatlana bilən smartfonu “Galaxy Z TriFold”u təqdim edib. Yeni model qeyri-adi qatlanma mexanizmi, yüksək performanslı texniki xüsusiyyətləri və hətta ənənəvi flaqmanlarla müqayisədə böyük batareya tutumu ilə seçilir.
Galaxy Z TriFold 10 düymlük Dynamic AMOLED 2X əsas ekrana malikdir (2160×1584, 1–120 Hz, 1600 nit). Ekran eyni anda üç tətbiqlə işləməyə imkan verir. Xarici tərəfdə isə 6,5 düymlük əlavə ekran yerləşir (2520×1080, 120 Hz, 2600 nit). Qurğu içəriyə doğru qatlanır.
Model titan əsasında hazırlanmış Armor FlexHinge şarnir sistemi və Advanced Armor Aluminium gövdəsi ilə gəlir. Ölçüləri qatlanmış halda 159,2 × 75 × 12,9 mm, açıq halda isə 159,2 × 214,1 × 3,9 mm-dir. Çəkisi — 309 qram.
Arxa kameralar:
• 200 MP əsas kamera (OIS, 2x lossless zoom),
• 12 MP ultra-geniş bucaq,
• 10 MP teleobyektiv (3x zoom).
Hər iki ön kamera — 10 MP.
Smartfon Snapdragon 8 Elite for Galaxy prosessoru, 16 GB RAM və 512 GB / 1 TB yaddaşla təchiz olunub. Wi-Fi 7 və Bluetooth 5.4 dəstəklənir. Ümumi batareya tutumu 5600 mAh-dır; 45W sürətli və 15W simsiz şarj mövcuddur. Korpus IP48 qoruma standartına uyğundur.
Galaxy Z TriFold əvvəlcə 12 dekabrda Cənubi Koreyada satışa çıxacaq, daha sonra digər ölkələrdə də təqdim olunacaq. Qiymət hələ açıqlanmayıb.
Fikirləriniz ?
