Çinin profil KİV-ləri sektorun hörmətli mənbələrinə istinadən bildirir ki, AMD və NVIDIA videokartlarının qiymətləri yaxın vaxtlarda artacaq. Bundan əlavə, “qırmızı” tərəfdarları yeni Radeon modellərinin çıxışı ilə bağlı xoş olmayan xəbərlərlə üzləşəcəklər.
Mövcud məlumatlara görə, hər iki istehsalçı artıq tərəfdaşlarını bir neçə mərhələdə həyata keçiriləcək qiymət artımı barədə məlumatlandırıb və ilk mərhələ cari ay üçün planlaşdırılıb. Videokartların bahalaşması Samsung və Micron şirkətlərinin VRAM çiplərində yaranmış çatışmazlıqla əlaqələndirilir.
Mənbənin məlumatına əsasən, 8 GB videoyaddaşa sahib modellərin topdansatış qiyməti yaxın zamanda 20 dollar, 16 GB videoyaddaşlı kartların qiyməti isə 40 dollar artırılacaq. Eyni zamanda AMD təsdiqləyib ki, 2027-ci ilə qədər yeni məhsulların buraxılışı planlaşdırılmır. Şirkət bunun əvəzində Radeon RX 7650 GRE, RX 9060XT (16 GB) və RX 9070XT (16 GB) kimi modellərin istehsalına fokuslanacaq.
Videokartların növbəti dəfə 2026-cı ilin yanvarında bahalaşacağı gözlənilir, lakin konkret rəqəmlər açıqlanmır.
Fikirləriniz ?
