Gözlənildiyi kimi, Apple M4 prosessoru əsasında yenilənmiş iMac təqdim etdi. O, sələfinin dizaynını saxladı, lakin yeni rəng seçimləri, eləcə də bir sıra kiçik texniki təkmilləşdirmələr aldı.
2024 iMac üçün əsas dəyişiklik M4 prosessorudur. Modifikasiyadan asılı olaraq, 8 CPU nüvəsi və 8 GPU nüvəsi və ya 10 CPU nüvəsi və 10 GPU nüvəsi ilə ola bilər. Əsas versiyada indi 16 GB operativ yaddaşı var, lakin 24 GB və 32 GB-lıq versiyalar da var. Əsas yaddaş tutumu isə 256 GB-dan başlayır. Apple nümayəndələrinin fikrincə, yeni məhsul M1 çipinə əsaslanan modeldən 2,1 dəfəyə qədər sürətlidir.
All-in-one 4,5K təsvir ölçülü, 500 nita qədər parlaqlıq və DCI-P3 rəng palitrasını tam əhatə edən 24 düymlük Retina ekranla təchiz edilib.
Kompüter istifadəçini izləmək və kadrın mərkəzində saxlamaq imkanı olan ultra geniş bucaqlı 12 meqapiksellik Center Stage veb-kamera ilə təchiz olunub. O, həmçinin studiya keyfiyyətli mikrofonlara və Spatial Audio və Dolby Atmos dəstəyi ilə altı dinamikə malikdir.
Modifikasiyadan asılı olaraq, iMac iki və ya dörd Thunderbolt 4 (USB Type-C) portuna malik ola bilər və siz həmçinin 6K ayırdetmə ilə ikiyə qədər xarici displey qoşa bilərsiniz. Digər xüsusiyyətlərə Wi-Fi 6E və Bluetooth 5.3 dəstəyi daxildir.
USB Type-C portları ilə yenilənmiş klaviatura və “mouse” ilə tamamlanan yeni M4 əsaslı iMac, 16 GB operativ yaddaşa malik səkkiz nüvəli versiyası üçün qiyməti 1299 dollardan başlayır. Rəsmi satışa isə Noyabrın 8-də təqdim olunacaq.
Fikirləriniz ?
