NVIDIA onlayn konfrans keçirərək investorlar, analitiklər və media nümayəndələri ilə şirkətin gəlirlərini müzakirə edib. Söhbət zamanı şirkət istehlakçı seqmentinə aid videokartların tədarükünün normal həcmdə bərpa olunmasının mümkün vaxtlarını da açıqlayıb. Spoyler: bu, hələ tezliklə baş verməyəcək.
NVIDIA-nın maliyyə direktoru Kolet Kress investorların suallarından birinə cavab olaraq oyun videokartları bazarının vəziyyəti barədə danışıb. Onun sözlərinə görə, şirkət hazırkı tələbatı qarşılaya bilmir və qarşıdakı rüblər olduqca gərgin olacaq. Sadə desək, ilin sonuna qədər vəziyyətin dəyişməsi çətin görünür.
İstədiyimiz qədər tədarük həcmini artırmaq istəsək də, anlayırıq ki, qarşıdakı bir neçə rüb ərzində vəziyyət çox gərgin olacaq. Əgər ilin sonuna doğru vəziyyət yaxşılaşsa, bunu illik artım baxımından dəyərləndirmək mümkün olacaq. (Kolet Kress NVIDIA-nın maliyyə direktoru)
Məlumata görə, data mərkəzləri tərəfindən yaddaş çiplərinin kütləvi şəkildə alınması səbəbindən NVIDIA istehlakçı videokartları üçün komponent çatışmazlığı ilə üzləşib. Bu isə maliyyə göstəricilərinə təsir edib: rüblük gəlir 13% azalıb, halbuki 2025-ci ilin dördüncü rübündə 2024-cü illə müqayisədə artım 47% təşkil etmişdi.
Bundan əlavə, NVIDIA nümayəndəsi hesab edir ki, VRAM çiplərinin tədarük məhdudiyyətləri növbəti illərdə də oyun seqmenti üçün maneə olaraq qalacaq.
Fikirləriniz ?
