Koreyanın “Hankyung” nəşrinin məlumatına görə, Samsung — Google və Qualcomm ilə əməkdaşlıq edərək özünün XR-cihazı üzərində işləyir. Bu məqsədlə texnologiya nəhəngi yüz nəfərdən ibarət ayrıca Immersive Team yaratdı. İnsayderlər artıq cihazın təxmini xüsusiyyətlərini və hətta gözlənilən buraxılış tarixini də adlandırıblar.
Qeyri-rəsmi məlumatlara görə, yeni cihaz eMagin tərəfindən istehsal olunan 3500 ppi piksel sıxlığına malik bir cüt 1,03 düymlük OLED displeylə təchiz ediləcək. Cihazın “ürəyi” 90 Hz yeniləmə tezliyi ilə iki 4.3K ekranı dəstəkləyən Snapdragon XR2+ mobil platforması təşkil etməlidir.
Yeni məhsulun əməliyyat sistemi Google tərəfindən hazırlanması gözlənilir — yəqin ki, Android-in yüksək dərəcədə dəyişdirilmiş versiyası kimi görünəcəkdir. Nəhayət, cihaz çoxlu daxili kameralara və digər Galaxy cihazları ilə uyğunluğa malik olmalıdır. Onun Apple Vision Pro-dan daha ucuz olacağı gözlənilir ki, bu da onu daha rəqabətli edəcək.
Mənbənin məlumatına görə, Samsung-un XR cihazının təqdimatı bu yay yenilənmiş Galaxy Z seriyalı qatlanan smartfonlarla birlikdə baş tuta bilər.
