Türkiyənin İnformasiya Texnologiyaları və Rabitə Təşkilatının (BTK — Bilgi Teknolojileri ve İletişim Kurumu) qərarı ilə ölkədə İnstagram-a giriş bloklanıb.
Qərardan sonra Türkiyədən İnstagrama daxil olmaq mümkün deyil.
İyulun 31-də Türkiyənin Kommunikasiya Direktoru Fahrettin Altun “X” (köh. Twitter) sosial media platforması hesabında HƏMAS lideri Haniyənin ölümündən sonra başsağlığı mesajı yayımlamış və İnstagram-ın Haniyə ilə bağlı yazıları blokladığını bildirmişdi:
“İnsanların heç bir səbəb göstərmədən Haniyənin şəhadəti ilə bağlı başsağlığı göndərməsinə mane olan sosial media platforması İnstagram-ı da şiddətlə qınayıram. Bu, çox aydın senzura cəhdidir”.
Kommunikasiya direktoru Altunun bu paylaşımından sonra avqustun 2-də BTK tərəfindən İnstagram-a giriş bloklanıb.
Fikirləriniz ?
