Dünyanın ilk üç qatlı smartfonu olan yeni “HUAWEI Mate XT” haqqında ilk rəylər artıq nternetdə dərc olunmağa başlayıb. Siz elə indi müxtəlif istifadə rejimlərində cihazın necə göründüyünü, necə işlədiyini və qutusunda hansı aksesuarların daxil olduğunu qiymətləndirə bilərsiniz.
HUAWEI Mate XT arxa qapağın kameranın yerləşdiyi hissəsini qoruyan, həmçinin smartfon qatlanan zaman ekranın sağ tərəfindəki əyrisini örtən korpusla gəlir. Qutuda həmçinin FreeBuds 5 TWS qulaqlıqları, 66 Vt şarj adapteri, 88 Vt avtomobil şarj cihazı və iki USB Type-C kabeli var.
Cihazın çəkisi 298 qramdır. Müqayisə üçün qeyd edək ki, yeni 6,9 düymlük iPhone 16 Pro Max-ın çəkisi 227 qram təşkil edir. Qatlananda Mate XT-nin qalınlığı Apple smartfonu üçün 8,25 mm-ə qarşı 12,8 mm-ə çatır. Ancaq tam açıldıqda HUAWEI cihazının qalınlığı təsir edici 3,6 mm-dir. Buna görə içəridə cəmi 1,9 mm qalınlığında batareya istifadə olunur — bu, dünyanın ən nazik smartfon batareyasıdır.
Qatlanan zaman Mate XT smartfonlar üçün xarakterik olan 6,4 düym diaqonal ekrana malikdir. Sonra 7,9 düymlük ekran əldə edərək bir hissəni aça bilərsiniz. Nəhayət, tam açıldıqda cihaz 10,2 düymlük planşetə çevrilir. Ekranda iki bükülmə bucaqdan baxanda nəzərə çarpır, lakin cihazı sınaqdan keçirən hər kəs onların toxunma ilə hiss olunmadığını qeyd edir.
HUAWEI Mate XT sentyabrın 20-də Çində 2389 dollardan satışa çıxarılacaq.
Fikirləriniz ?
