Uzun illər yalnız telefon nömrəsinə bağlı şəkildə işləyən WhatsApp messenceri tezliklə unikal istifadəçi adları yaratmağa imkan verəcək. WABetaInfo-nun məlumatına görə, şirkət artıq istifadəçilərin istədikləri adları əvvəlcədən götürə bilməsi üçün @-istifadəçi adlarının əvvəlcədən rezervasiya sistemini test edir.
Belə funksiya çoxdan Telegram kimi rəqib platformalarda mövcuddur. WhatsApp-ın test versiyalarının kodunda adlar üçün qaydalar da tapılıb: onlar “www” ilə başlaya bilməz, mütləq hərflər olmalıdır, yalnız kiçik latın hərfləri, rəqəmlər, nöqtə və alt xətt işarəsinə icazə verilir. Bu qaydalar adların vahid formata salınmasına və “fake” hesabların qarşısının alınmasına kömək edəcək.
Tətbiqin parametrlərində istifadəçi adını rezerv etmək üçün ayrıca bölmə yaranacaq, hətta funksiya hələ aktiv olmasa belə. Bu yanaşma istifadəçilərə öz adlarını dələduzlardan və kiber-oğurçulardan qorumağa kömək edəcək.
Hazırda tərtibatçılar yeni funksiyanın rəsmi təqdimat tarixini açıqlamayıblar. Lakin rezervasiya sisteminin hazırlanması faktı göstərir ki, istifadəçi adlarının dəstəklənməsi yaxın zamanda WhatsApp-da istifadəyə verilə bilər.
Fikirləriniz ?
