Bu il kibercinayətkarlar rekord məbləğdə — 2,7 milyard dollar dəyərində kriptovalyuta oğurlayıblar. TechCrunch-un məlumatına görə, ən böyük oğurluq Dubayda yerləşən Bybit kriptobirjasında baş verib — təxminən 1,4 milyard dollar. Blokçeyn analitikləri və FTB bu hücumun arxasında Şimali Koreyadan olan hakerlərin dayandığını bildirir.
Bu hadisə kriptovalyuta bazarı tarixində ən böyük oğurluq, ümumilikdə isə maliyyə tarixində ən iri cinayətlərdən biri sayılır. Daha əvvəl rekord Ronin Network və Poly Network platformalarının 2022-ci ildəki hücumları idi.
Chainalysis, TRM Labs və De.Fi şirkətlərinin məlumatlarına görə, oğurluqların həcmi ildən-ilə artır: 2024-cü ildə 2,2 milyard dollar, 2023-cü ildə isə 2 milyard dollar oğurlanmışdı. Bu il həmçinin Cetus (223 milyon dollar), Balancer (128 milyon dollar) və Phemex (73 milyon dollardan çox) platformaları da hücuma məruz qalıb.
Fikirləriniz ?
