Analitik şirkət Benchmark Mineral Intelligence 2025-ci ilin dekabr ayının əvvəlinə olan qlobal elektromobil satış statistikasını açıqlayıb. Məlumata görə, elektromobillərin ümumi tədarük həcmi ötən illə müqayisədə əhəmiyyətli dərəcədə artıb.
2025-ci ilin noyabrının sonuna qədər Avropada elektromobil bazarı illik müqayisədə 36% böyüyüb: elektromobil satışları 35%, hibrid modellər isə 39% artım göstərib. Şimali Amerikada ümumi satışlar bir qədər azalsa da, noyabr ayında bəzi brendlər müsbət dinamika nümayiş etdirib — Kia (+30%), Hyundai (+20%), Honda (+11%) və Subaru (232 Solterra avtomobili, əvvəlki ayda isə cəmi 13).
Qlobal satışlarda lider mövqeni Çin qoruyur. Noyabrda ölkədə bazar illik 3%, aylıq isə 4% artıb. İlin əvvəlindən etibarən elektromobil satışları 19% yüksələrək 11,6 milyon ədədə çatıb. BYD şirkəti isə noyabrda rekord ixrac həcmi — 131 935 elektromobil — açıqlayıb.
Ümumilikdə, 2025-ci ildə dünya üzrə elektromobil satışları 2024-cü illə müqayisədə 21% artıb. Analitiklər bildirirlər ki, qlobal tələbat artsa da, satış dinamikasına getdikcə daha çox dövlət dəstəyi təsir göstərir.
Fikirləriniz ?
