Indy Autonomous Challenge (IAC) yarışında avtopilotla idarə olunan avtomobillər üçün yeni sürət rekordu müəyyən edilib. Milan Politexnik Universitetinin komandası tərəfindən hazırlanmış “Maserati MC20” bu kateqoriyada əvvəlki rekordu yeniləyərək 300 km/saat sürət yığa bilib.
Sınaq meydançası kimi 4,5 km uzunluğunda uçuş-enmə zolağından istifadə edilib. Sportkar 309,3 km/saat sürət yığaraq, IAC AV-21 tərəfindən 2022-ci ilin aprelində müəyyən edilmiş əvvəlki 309 km/saat rekordunu üstələyib.
Avtonom idarəetmə sistemi İtaliyanın elm və texnologiya sahəsində ən böyük təhsil müəssisəsi olan Milan Politexnik Universitetinin mütəxəssisləri tərəfindən yaradılmışdır. “Indy Autonomous Challenge” tərəfdaş kimi çıxış etdi.
“Maserati MC20” qiyməti 239.000 dollardan başlayır. Avtomobil 3 litrlik iki turbomühərrikli V6 mühərriki ilə təchiz edilib. Avtomobil istehsalçısı bu güc blokunu “Nettuno” adlandırır və onun sayəsində hiperkar 621 at gücü və 729 Nm fırlanma anı səviyyəsində güc təqdim etməyə qadirdir.
Fikirləriniz ?
