Amerika startapı “Interlune” 2030-cu ilə qədər Ayda helium-3 istehsalını təşkil etmək niyyətindədir. Hər şey yolunda gedərsə, şirkət peykin səthindən təbii ehtiyatların çıxarılması və sonra onları Yerə göndərməsi üçün məsuliyyət daşıya bilən ilk özəl şirkət olacaq.
Maddə Günəş tərəfindən sintez edilən və Ayda bolca saxlanılan heliumun izotopudur. Startap Jeff Bezosun Blue Origin şirkəti ilə əməkdaşlıq edir və Apollo 17 astronavtı Harrison Schmittin baş texnoloji mütəxəssisi kimi köməyinə müraciət edib. Bundan əlavə, hətta NASA təşkilatın tərəfdaşı kimi qeyd olunur.
Interlune 2028-ci ilə qədər Ayda sınaq qurğusu yerləşdirmək istəyir, ilkin işlərə isə 2030-cu ildə başlanacaq. Şirkət artıq 18 milyon dollar, o cümlədən Reddit həmtəsisçisi tərəfindən qurulan vençur kapitalı şirkəti Seven Seven Six-dən 15 milyon dollar cəlb edib.
Helium-3 Yerdə kvant hesablamaları və tibbi cihazlar üçün istifadə edilə bilər. Maddə potensial olaraq həmçinin termonüvə reaktorları üçün yanacaq kimi istifadə edilə bilər. Günəş küləyi ilə Ayın üzərinə düşüt və torpaqda qalır. Helium-3 maqnitosfer tərəfindən bloklandığı üçün planetimizə çatmır.
