Çin şirkəti BYD bildirir ki, onun elektromobillər üçün yeni sürətli enerji doldurma texnologiyası sürət baxımından benzinlə işləyən avtomobillərin yanacaq doldurması ilə rəqabət apara bilir. Artıq internetdə bu iddiaları praktikada təsdiqləyən real nümayiş videoları da yayılıb.
Qısa videoda BYD elektromobili cəmi beş dəqiqə ərzində demək olar ki, 400 km məsafə qət etmək üçün kifayət qədər enerji ehtiyatı toplayıb. Flash Charging Battery ilə təchiz olunan Super e-Platform 1000 A cərəyan gücünü və 10C sürətini dəstəkləyir, 1 meqavata qədər güc təqdim edir. Bu göstəricilərlə Han L modeli üçün 10%-dən 70%-ə qədər doldurma təxminən 4 dəqiqə 40 saniyə çəkir, tam doldurma isə 20 dəqiqəyə başa gəlir.
Hazırda Super e-Platform əsasında Han L və Tang L modelləri istehsal olunur. Tang L krossoveri beş dəqiqəyə 370 km (230 mil) məsafə əlavə edir, tam enerji doldurulması isə təxminən yarım saat davam edir. 1000 V-luq arxitektura və Flash Charging Battery elektromobillərə benzin avtomobillərinin yanacaq doldurma müddətinə yaxın şarj vaxtı əldə etməyə imkan verir.
BYD ultra sürətli enerji doldurma sistemini təkcə Çində deyil, həm də Avropada yaymağı planlaşdırır.
Fikirləriniz ?
