BYD rəsmi olaraq gələcək flaqman modelləri — Seal 08 və Sealion 08-i anons edib. Çin şirkəti avtomobillərin dizaynını nümayiş etdirib və elektromobillərin kütləvi istehsalına hazır olduğunu təsdiqləyib.
Hər iki model aprel ayında Şanxay avtosalonunda təqdim olunan Ocean S konsepti əsasında hazırlanıb. Elektrikli sedan Seal 08-in ölçüləri 4720 × 1880 × 1495 mm olacaq ki, bu da Tesla Model 3 ilə müqayisə oluna bilər. Flaqman krossover Sealion 08 isə Tesla Model Y səviyyəsində olacaq. Seal 08-in yürüş məsafəsi 470 km, Sealion 08-in isə 545 km təşkil edəcək.
BYD-nin rəhbəri Van Çuanfu bildirib ki, şirkətin əsas üstünlüyü öz daxili texnologiyalarıdır — o cümlədən akkumulyatorlar, ağıllı idarəetmə alqoritmləri və enerji doldurma sistemləri. Eyni zamanda BYD ixracı da aktiv şəkildə artırır. Keçən ay xaricə avtomobil tədarükü 325% artaraq təxminən 132 000 ədədə çatıb.
Fikirləriniz ?
