in Avtomobil İstehsalçıları Assosiasiyası (CAAM) maraqlı statistika ilə bölüşüb: Çində avtomobil alanların əksəriyyəti artıq elektrikli avtomobillərə üstünlük verir, daxili yanma mühərrikli modellər isə bazarda lider mövqelərini itirib. Digər ölkələrin təcrübəsinə əsaslanaraq, bu nəqliyyat növünün populyarlığında daha da sürətli artımın olacağı proqnozlaşdırıla bilər.
CAAM-ın hesablamalarına görə, Çində son beş ayda elektrikli avtomobillərin satış payı ümumi bazarın 51%-i səviyyəsində qalır. Bu, mühüm bir həddir və o deməkdir ki, bundan sonra fərq yalnız artacaq. Məsələn, Norveçdə də belə olub: əgər 2020-ci ildə elektrikli avtomobillərin satış payı 50% idisə, 2024-cü ildə bu göstərici 90%-ə çatıb.
Bundan əlavə, Çində yalnız şəxsi deyil, həm də kommersiya elektrik avtomobillərinin (BEV) satışları artır. Məsələn, sərnişin daşımaları sahəsində bu göstərici 31%-dir. Qeyd olunmalıdır ki, dünyada istehsal olunan bütün elektrikli avtomobillərin 70%-dən çoxu məhz Çində buraxılır: 17 milyon istehsal olunmuş avtomobilin 12 milyonu Çində hazırlanıb. Onların cəmi bir milyonu isə digər ölkələrə ixrac olunur.
Fikirləriniz ?
