İlk olaraq Tesla həmin videonu Cybertruck-un seriya versiyasının təqdimatı zamanı nümayiş etdirmişdi. O vaxt Mask iddia etmişdi ki, elektrik pikap Porsche 911-i arxasınca dartaraq, 402 metrlik məsafəni (dörddə bir mil) 911-dən daha tez qət edə bilər. Bu, səslənməsi baxımından təsirli idi, amma az keçməmiş avtomobil həvəskarları və mütəxəssislər videonu kadrbəkadr təhlil edərək çoxsaylı uyğunsuzluqlar tapdılar.
Əvvəla, müqayisə düzgün aparılmamışdı, çünki videoda ən güclü Cybertruck versiyası – Cyberbeast istifadə olunmuşdu, halbuki onun rəqibi Porsche 911 Carrera T idi. Bu isə modelin ən zəif versiyalarından biridir. Halbuki Porsche-nin Cybertruck-ı və Carrera T-ni rahatlıqla ötə biləcək azı bir neçə ədəd digər modifikasiyaları var.
Bundan əlavə, yarış heç vaxt dörddə bir mil (402 m) davam etməyib – o, yarı məsafədə, yəni səkkizdə bir mil (təxminən 200 m) sonra başa çatıb. Cybertruck-un baş mühəndisi Ues Morrill təsdiqləyib ki, real yarış ümumiyyətlə keçirilməyib – şirkət yalnız virtual simulyasiyalar aparıb.
Morrillin sözlərinə görə: “Həmin gün Cybertruck 1/8 mil məsafədə, dartma ilə, 7,808 saniyəlik nəticə və 88 mil/saat (təxminən 142 km/saat) sürət göstərdi. Ancaq qoşqunun təkərləri maksimum 80 mil/saat (təxminən 129 km/saat) üçün nəzərdə tutulduğuna görə, təhlükəsizlik baxımından yarışı dayandırmaq qərarına gəldik. Simulyasiyalar göstərdi ki, 1/4 mil məsafədə də nəticə təxminən eyni olardı, ona görə də riskə dəyməzdi. Qoşqunu daha da yüngülləşdirmək imkanı da var idi, amma buna ehtiyac duyulmadı.” — Ues Morrill (Cybertruck-un baş mühəndisi)
Fikirləriniz ?
