Jaguar öz konseptual elektrik avtomobili «Type 00» modelinin real prototipini təqdim etdi. Gələcəyin avtomobili Parisdə keçirilən sərgidə debüt etdi və qeyri-adi dizaynı ilə xüsusi diqqət cəlb etdi.
Type 00, Jaguar Electric Architecture (JEA) platforması üzərində qurulub və ümumi gücü 1000 at gücünə qədər çatan elektromotorlarla təchiz edilib. Bir dəfə tam enerji yığmaqla 770 kilometrə qədər məsafə qət edə bilir ki, bu da onu digər elektrik avtomobilləri ilə rəqabət aparmağa imkan verir.
Elektromobil arxa şüşəsi olmayan ikiqapılı kupe kimi dizayn edilib. Onun qapıları yuxarı açılır, bu da avtomobilə futuristik və modern görünüş verir.
Elektromobilin bazara çıxışı 2026-cı ilə planlaşdırılıb və onun təxmini başlanğıc qiyməti 155 000 dollardan başlayacağı planlaşdırılır.
Fikirləriniz ?
