Arizona məhkəməsində ilk dəfə süni intellektdən istifadə olunub. Generativ İA 2021-ci ildə qətlə yetirilmiş 37 yaşlı Kristofer Pelkinin virtual əkizini yaratmağa kömək edib. Bu sayədə mərhum məhkəmə iclasında öz qatilinə “birbaşa” müraciət edə bilib.
Pelkinin bacısı Steysi Ueyls məhkəməyə təqdim olunan 49 yazılı ifadəni tamamlayacaq bir İA-avatarın yaradılmasında israr edib. Süni intellekt mərhumun səsini və görünüşünü yenidən yaratmağa kömək edib. Hakim Todd Lənq bu üsulu dəstəkləyərək bildirib ki, bu texnologiya bağışlamaqla bağlı mühüm bir mesajı çatdırmağa kömək edib. Zərərçəkənin qardaşı isə yaradılan videonu “sağalma dalğası” adlandırıb.
İA Pelkinin fotoları əsasında realist video yaradıb və onun nitqinə bacısı tərəfindən yazılmış sözləri daxil edib. 2021-ci ildə Kristofer svetoforun yanında Qabriel Xorkasitas tərəfindən güllələnmişdi. Hadisə zamanı o, maşınından çıxaraq təqsirləndirilən şəxsin avtomobilinə tərəf gedirdi. Bu hadisəyə görə Xorkasitas 10,5 il həbs cəzası alıb.
Bu təcrübə uğurlu sayılsa da, hüquq sahəsindəki ekspertlər mümkün risklərə diqqət çəkir: texnologiyanın məhkəmə proseslərində manipulyasiyalardan və saxta materiallardan istifadə edilməsinin qarşısını almaq üçün dəqiq etik çərçivələrə ehtiyacı var.
