Microsoft-un texniki direktoru Kevin Scott bildirib ki, artıq beş ildən sonra süni intellekt proqram kodlarının 95%-ni generasiya edəcək. Lakin proqram təminatının əsas aspektləri — layihələndirmə, arxitektura və yaradıcı baxış — insanın nəzarətində qalacaq.
Microsoft nümayəndəsinin sözlərinə görə, süni intellekt proqramçılara əvəz olmayacaq və onları lazımsız etməyəcək, əksinə, onların rolunu və vəzifələrini dəyişəcək: insanlar strateji məsələlərə fokuslanacaq, kodun gündəlik yazılması isə avtomatlaşdırılacaq.
Kütləvi avtomatlaşdırma ilə bağlı bu proqnozları digər texnoloji liderlər də dəstəkləyir. Məsələn, Anthropic şirkətinin baş direktoru Dario Amodei hesab edir ki, süni intellekt artıq 3–6 ay ərzində kodun 90%-ni yazacaq. Meta rəhbəri Mark Zukerberq isə proqnozlaşdırır ki, 2025-ci ilə qədər İA alətləri orta səviyyəli mühəndislərlə bərabər bacarıqlara sahib olacaq. OpenAI-in rəhbəri Sam Altman isə uzunmüddətli dövrdə süni intellekt texnologiyalarının əmək bazarına olan tələbi azaldacağını düşünür.
Bu tendensiyaların ilk təsirləri artıq müşahidə olunur. Klarna və Salesforce şirkətləri süni intellektin tətbiqi nəticəsində işçi qəbulunu dayandırıblar. Hindistanın texnologiya nəhəngi InMobi isə yaxın vaxtlarda şirkətdə yazılan kodun 80%-nin avtomatik generasiya olunacağını və bu səbəbdən kütləvi ixtisarların gözlənildiyini açıqlayıb.
Fikirləriniz ?
