Pokémon kolleksiya kartları mütəmadi olaraq xəbər başlıqlarına düşür: nadir və bahalı nüsxələri oğrular ələ keçirməyə çalışır, kolleksiyaçılar isə onlar üçün milyonlar ödəməyə hazırdır. Bu yaxınlarda isə KKY (kolleksiya kart oyunları) tarixində ən böyük sövdələşmə baş tutub.
Bloqer və restler Loqan Pol Pokémon TCG üzrə ən nadir kartı hərraca çıxarıb. Söhbət PSA Grade 10 qiymətləndirməsinə sahib Pikachu Illustrator kartından gedir. O, bu kartı 2021-ci ildə 5,2 milyon dollara almışdı və sonrakı illərdə onu tez-tez nümayiş etdirirdi — tədbirlərə özü ilə aparır, qiymətli daşlarla bəzədilmiş kulon-keçid qutusunda göstərirdi.
İndi isə Loqan Pol kartı 16,5 milyon dollara — yəni 27.7 milyon manatdan çox məbləğə satıb. Nadir kartın yeni sahibi Ağ Evin sabiq kommunikasiya direktoru Entoni Skaramuççinin oğlu Entoni Skaramuççi-kiçik olub.
Pikachu Illustrator kartı 1998-ci ildə Yaponiyada azarkeş rəssam müsabiqəsinin qaliblərinə mükafat olaraq buraxılıb. Ümumilikdə cəmi 39 nüsxə mövcuddur. Loqan Pol ilə Entoni Skaramuççi-kiçik arasında baş tutan bu satış təkcə Pokémon KKY tarixində deyil, ümumilikdə bütün kolleksiya kart oyunları arasında rekord hesab olunur.
Fikirləriniz ?
