OpenAI, GhatGPT çat-botuna reklam əlavə etmə imkanını nəzərdən keçirir. Bu məlumatı tərtibatçı Tibor Blaho Android üçün 1.2025.329 beta versiyasında aşkar edib.
Bildirilir ki, reklamlar karusel formatında göstəriləcək və onların mövzusu dialoqun kontekstindən və ya istifadəçi məlumatlarından asılı olacaq. Ehtimal edilir ki, ilk mərhələdə reklam elanları kommersiya xarakterli məlumat axtarışlarında görünəcək, lakin gələcəkdə bu dəyişə bilər.
ChatGPT-də dəqiq hədəflənmiş reklam üçün lazım olan bütün imkanlar var: süni intellekti həftəlik təxminən 800 milyon insan istifadə edir və o, hər gün təxminən 2,5 milyard sorğunu emal edir. Buna görə OpenAI-in ChatGPT-də istifadəçiyə həqiqətən lazım ola biləcək məhsulları təklif edən şəxsi reklamlar yaratmaq üçün geniş imkanları mövcuddur.
Fikirləriniz ?
