Revoy startapı bir neçə saniyə ərzində tamamilə istənilən dizel yük avtomobilini daha qənaətcil və ekoloji cəhətdən təmiz hibridə çevirməyin yolunu tapdı. Söhbət yük avtomobili və qoşqu arasında quraşdırılan, dizel yanacağı sərfiyyatını azaldan elektrik modulundan gedir.
Revoy EV-nin içərisində akkumulyator və dartma elektrik mühərrikləri var. Modul bir şarjdan təxminən 400 kilometr məsafə qət edə bilər. Yaradıcıların fikrincə, belə bir qurğu istənilən yük avtomobilimdə quraşdırıla bilər.
Revoy EV-nin digər üstünlüyü xüsusi stansiyalarda akkumulyatorun tez dəyişdirilməsidir. Beləliklə, sürücülər batareyanın doldurulmasını çox gözləməli olmayacaq, əksinə onu dəyişdirməyə təxminən 3 dəqiqə vaxt sərf edəcəklər. Startapın hesablamaları göstərir ki, Revoy EV ilə qət edilən 30-55 km-ə dizel yanacağı sərfiyyatı təxminən 5 litr olacaq. Bu, atmosferə atılan zərərli emissiyaların miqdarını 85% azaldır.
Yük maşınlarına cihazı əvvəlcədən rezerv etməyə və akkumulyatorun doldurulması və təhlükəsizlik göstəriciləri haqqında məlumat verməyə imkan verən müvafiq mobil proqram da mövcuddur.
Modul hazırda istehsaldadır və Dallasda ilk texniki xidmət stansiyası yaradılıb. Əlavə olaraq yeni qurğu Texas, Arkanzas, Oreqon və Kaliforniyada görünəcək. ABŞ-dan kənarda mövcudluğu barədə hələ məlumat yoxdur.
