Mühəndislər robototexnika sahəsində mühüm bir irəliləyiş əldə ediblər – onlar maşınların öyrənmə sistemi üzərində işləyiblər. Tool-as-Interface vasitəsilə robotlar insanların video görüntülərində alətlə işləməsini izləyərək bu bacarıqları mənimsəyirlər.
Öyrədici material yaratmaq üçün adi kameralardan cəmi iki görüntü kifayət edir. Layihənin müəlliflərinin sözlərinə görə, sistemin işləmə prinsipi kompüter görmə texnologiyasına əsaslanır.
Əvvəlcə videodan iki kadr analiz edilir və baş verənlərin detallı üçölçülü modeli yaradılır. Daha sonra 3D Gaussian Splatting adlanan xüsusi render üsulu ilə çoxsaylı əlavə baxış nöqtələri generasiya olunur ki, bu da robotun səhnəni müxtəlif bucaqlardan “görməsinə” imkan verir.
Ənənəvi teleidarəetmə üsulları ilə müqayisədə sistem tapşırıqların yerinə yetirilməsində 71% daha yüksək nəticə göstərib və lazım olan təlim məlumatlarını 77% daha sürətli toplayıb. İndi isə maşınlar YouTube və digər platformalarda mövcud olan milyardlarla videodan öyrənə biləcəklər.
Fikirləriniz ?
