İndi görəcəyiniz insident mövcud avtopilot texnologiyalarının etibarsızlığını sübut edir. Tesla elektrik avtomobilinin sahiblərindən biri bildirib ki, son altı ayda Full Self-Driving sistemi iki dəfə onun avtomobilini qarşısından keçən qatarın altına göndərməyə “cəhd edib”. Sonuncu dəfə isə adam möcüzəvi şəkildə son anda reaksiya verə bilib.
Videoya əsasən, Teslanın avtopilotu nəinki sayrışan işıqları olan endirilmiş maneəni, hətta onun arxasından keçən qatarı da görməyib. Sürücü yoldan kənara çıxaraq son anda reaksiya verə bilib. Maşın dirəyə çırpılıb, hətta ön təkəri də qopub, lakin möcüzə nəticəsində ciddi xəsarət alan olmayıb. Təbii ki, hadisə zamanı güclü duman var idi, lakin avtomobil istənilən şəraitdə maneələri “görməli” qabaqcıl sensorlardan istifadə edir.
ABŞ Milli Avtomobil Yolları Hərəkətinin Təhlükəsizliyi İdarəsi (NHTSA) artıq hadisədən xəbərdardır və Tesla-dan əlavə məlumat tələb edib. Digər şərhlər hələ alınmayıb.
Fikirləriniz ?
