İki Tesla həvəskarı və səhmdarı vaxtilə İlon Maskın vəd etdiyi avtopilot yürüşü təkrarlamağa qərar verdilər. Bu ideyanın mahiyyəti ondan ibarət idi ki, ABŞ-ın bir sahilindən digərinə qədər olan bütün yolu avtopilot idarə etməli idi. Lakin bu iddialı cəhdin sonu uğursuzluqla bitdi – avtomobil yolun ilk 100 km-də qəzaya düşdü.
İlon Mask belə bir yürüşü ilk dəfə 2016-cı ildə vəd etmişdi və demişdi ki, Tesla avtopilotu 2017-ci ilin sonuna qədər Los-Ancelesdən Nyu-Yorka qədər məsafəni qət edəcək. Amma aradan səkkiz il keçməsinə baxmayaraq, şirkət bu vədi yerinə yetirə bilmədi.
Bloqerlər Tesla Model Y avtomobilində, FSD v13.9 proqram təminatının son versiyası ilə yola çıxdılar. Lakin cəmi 96,5 km-dən sonra elektromobil yolda olan tullantıya çırpıldı. Sərnişin maneəni qabaqcadan görsə də, sürücü sükanı əlində saxlamadığından vaxtında reaksiya verə bilmədi.
Maşın ciddi zədələndi: stabilizatorun kronşteyni və asqı elementləri sındı. Nəticədə sınaq planlaşdırılan marşrutun cəmi 2,5%-dən sonra dayandırıldı. Təcrübə göstərdi ki, real yol vəziyyətləri gözlənilməz hadisələrlə doludur və avtopilot hələlik onlarla tam şəkildə bacara bilmir.
Fikirləriniz ?
