Son illər vətəndaşların vəsaitlərini mənimsəmək üçün müxtəlif dələduzluq halları yaranıb. Bunlardan biri də kriptovalyuta sahəsi ilə bağlıdır.
Daxil olan məlumata görə, kriptovalyuta dələduzları abonentlərə mesaj göndərərək onlara sərvət qazanacaqları barədə şirnikləndirici vədlər verirlər.
Bu cür mesajlarda isə əsasən xarici ölkə vətəndaşlarının adları qeyd olunur. Mesajda şəxsin kiçik sərmayə qoymaqla, yüksək gəlir əldə edəcəyi bildirilir:
“Salam, mən Alice. Qısamüddətli kriptovalyuta ticarəti müqavilələri və onların sərvət artırmaq potensialı ilə maraqlanırsınız? Kiçik sərmayələrlə hər gün Binance-də böyük pul qazanan kriptovalyuta treyderlərindən ibarət komandamız var. Həftədə 300 USDT qazana bilərsiniz. Ticarət siqnallarına görə pul itirsəniz, sizə kompensasiya veriləcək. Telegram vasitəsilə bizimlə əlaqə saxlayın: @evo1688168 və ya WhatsApp: +15795668196”.
Bəzi hallarda insanlar rəqəmsal sahədə rahatlıqla pul qazanmaq üçün bu cür təklifləri düşünmədən qəbul edirlər. Son nəticədə isə maddi və mənəvi zərərlə üzləşirlər.
Eyni zamanda kriptovalyuta ilə əlaqədar layihələrin və dəyişikliklərin doğruluğunu yoxlayın. Təhlükəsiz elektron pulqabı və platformalardan istifadə edin. O cümlədən, platformalarda aktiv şəkildə qorumaq üçün mürəkkəb şifrə və ikimərhələli təsdiqlənmədən istifadə edin.
Fikirləriniz ?
