Xiaomi-nin qurucusu Lei Jun ən sürətli avtomobil istehsalı üzrə dünya rekordu vurmağı bacardıqlarını açıqladı — Xiaomi SU7 elektromobili tarixdə ən sürətli istehsal edilən avtomobil oldu.
“Xiaomi EV komandamızı təbrik edirik! Yüz mininci Xiaomi SU7 rəsmi olaraq istehsal xəttindən çıxdı. İlk modelimiz üçün bu mərhələni cəmi 230 gün ərzində əldə edə bildik — inanılmaz nailiyyət!” — Lei Jun şərh etdi.
Müqayisə üçün qeyd edək ki, Çinli XPeng ilk 100.000 avtomobili istehsal etmək üçün təxminən 2 il çəkdi. Eyni nəticəyə nail olmaq üçün isə Tesla-da təxminən 6 il çğkdi. Eyni zamanda, Çinin Li Auto şirkəti cəmi 150 gün ərzində 100 000 Li L6 elektrik krossoveri istehsal etdiyini və 7 ayda satışın 150 000 ədədi keçdiyini bildirib. Bununla da hibrid və elektromobillər arasında satış sürətinə görə lider adını təsdiqlədi, lakin şirkət ilk 100.000 avtomobilini təxminən 2 il ərzində istehsal etdi.
Beləliklə, Xiaomi tarixdə ilk 100 000 avtomobilin ən sürətli istehsalı üzrə rekorda imza atıb.
Fikirləriniz ?
