Yeni 2025 Audi A3 Sportback və A3 Allstreet-də Alman avtomobil istehsalçısı proqram təminatında bəzi funksiyaları bloklayaraq mübahisəli bir təcrübə tətbiq etmək qərarına gəldi. İstifadəçilər istəsələr, onları aktivləşdirə bilərlər, lakin bunun üçün ödənişli abunə tələb olunacaq.
Ödənişli abunə ilə Audi klimat-kontrol, adaptiv kruiz-kontrol, həmçinin Apple CarPlay və Android Auto-a daxil olmaq üçün smartfonun avtomobilin multimedia sisteminə qoşulmasını təmin etmək qərarına gəlib. Bir ödəniş qarşılığında istifadəçilər bir ay, altı ay, bir il və ya üç il ərzində bu funksiyalara daxil ola bilərlər. Dəqiq qiymətlər hələ göstərilməyib.
Bununla yanaşı, şirkət qeyd edir ki, arzu olunarsa, alıcılar bütün bu funksiyalara malik avtomobil əldə edə biləcəklər, lakin bu halda avtomobilin dəyəri nəzərəçarpacaq dərəcədə baha olacaq. Sadəcə məlumdur ki, Audi A3 Sportback-in opsionsuz əsas versiyasının qiyməti 39 000 dollar, A3 Allstreet isə 41 000 dollardan başlayır.Bundan başqa, abunə sistemi yalnız Avropaya şamil edilir, ABŞ və Çin-də isə belə olmayacaq.
Qeyd edək ki, əvvəllər BMW də oxşar abunə sistemi tətbiq edib, lakin sonda bu ideyadan əl çəkib. Mercedes-Benz də əlavə pul qazanmaq üçün oxşar üsuldan istifadə etdi.
