Konsolların həyat dövrü getdikcə uzanır və bu baxımdan doqquzuncu nəsil bütün mümkün rekordları qırır. Görünür, yeni konsolların buraxılışının təxirə salınması ilə bağlı şayiələr doğrudur: Sony artıq istifadəçilərini PlayStation 4-dən imtina etməyə çağırmağa başlayıb.
PS4 sahibləri Sony-dən məktublar almağa başlayıblar. Bu məktublarda şirkət onları PlayStation 5-ə keçməyə dəvət edir.
Sony-dən məktub:
Əgər 2025-ci ilin Clair Obscur: Expedition 33, ARC Raiders və Ghost of Yotei kimi hit oyunlarını qaçırmamaq və ya 2026-cı ilin ən çox gözlənilən oyunlarına, o cümlədən SAROS, 007 First Light, Nioh 3 və digərlərinə hazırlaşmaq istəyirsinizsə, indi PlayStation 5-ə keçmək üçün ən uyğun zamandır. Son təkliflərlə tanış olmaq üçün QR-kodu skan edin.
Beləliklə, PlayStation 5-in həyat dövrünün altıncı ilində şirkət yalnız indi PlayStation 4 ilə vidalaşmağa və istifadəçiləri “yeni” konsola yönləndirməyə başlayır. Bu isə o deməkdir ki, PS5 hələ bir neçə il aktual qalacaq. İnsayderlərin proqnozlarına görə, Sony-nin növbəti konsolu 2029-cu ildən tez çıxmayacaq, cari ildə isə PS4 üçün PSN-in bəzi funksiyaları deaktiv ediləcək.
Fikirləriniz ?
