Nəhayət ki, bu həftə iPhone və iPad üçün məşhur Assassin’s Creed Mirage oyunun buraxılışı baş tutmuşdu — konsollarda və fərdi kompüterlərdə mövcud olan oyunun tam portu. Bəzi bloggerlər artıq Ubisoft-un son buraxılışını sınaqdan keçirə biliblər.
M4 prosessorlu iPhone 15 Pro Max-da oyun 1398×645 piksel təsvir ölçüsündə işləyir və Dame Tech YouTube kanalının müəllifi orta qrafik parametrlərindən istifadə etməyi tövsiyə edir. Bu halda, smartfon prosessor sahəsində 39 dərəcəyə qədər qızarkən, nəzərəçarpacaq yavaşlamalar olmadan sabit saniyədə 30 kadr əldə edə bilərsiniz.
M4 prosessoruna əsaslanan yeni iPad Pro-da oyun 1937×1335 piksel təsvir ölçüsündə işləyir və saniyədə 30 kadr ilə məhdudlaşır. Bloqqerin sözlərinə görə, planşet maksimum qrafik parametrlərinin öhdəsindən yaxşı gəlir və gələcəkdə 60 kadr sürətini açacaq yeniləmənin buraxılması ehtimalı var.
Həmçinin biz, “Texnojurnal” oyunu M4 çipli 11 düymlük iPad Pro-da sınaqdan keçirdik. Bəzən fps-də, xüsusən də dinamik səhnələrdə nəzərəçarpacaq dərəcədə fps “drop”-larə olurdu. Bundan əlavə, oyun sadəcə bağlana bilər (bu, cihazın güclü istiləşməsi ilə əlaqələndirilə bilər), lakin çox nadir hallarda baş verir.
Əvvəlki Resident Evil Village, Resident Evil 4 Remake və Death Stranding kimi böyük layihələrdən fərqli olaraq, Assassin’s Creed Mirage-in tərtibatçıları oyunu sensor idarəetmələri üçün tamamilə uyğunlaşdırdılar ki, bu da gamepad qoşmadan sərbəst oynamağa imkan verir.
Assassin’s Creed Mirage oyununu sınamaq pulsuzdur və tam versiya DLC və digər məzmunlar istisna olmaqla, 29,99 dollara iyunun 20-nə qədər 50% endirimlə təqdim olunur.
Fikirləriniz ?
