Oyunların ekranlaşdırılması qorxuducu bir müntəzəmliklə davam edir – məsələn, on gün sonra “The Last of Us” serialının yeni mövsümü başlayır. Hazırda isə sənaye diqqətini “Minecraft” əsasında çəkilmiş filmə yönəldib. Amma səbəb heç də onun uğurlu olması deyil.
Dünən axşam tənqidçilər “Minecraft kinoda” komediyası haqqında ilk rəylərini paylaşmağa başladılar. Və nəticə məyusedicidir: film çox zəif alınıb və Metacritic-də cəmi 47 bal toplaya bilib. Jurnalistlər bu ekran işini yöndəmsiz, darıxdırıcı, öncədən təxmin edilə bilən və ümumilikdə “ruhsuz” adlandırıblar – sanki bu film yalnız məşhur brenddən pul qazanmaq üçün “formulaya əsasən” yığılıb.
“San Francisco Chronicle” yazır ki, bu film heç kimə maraqlı gəlməyəcək: süjeti uşaqlar üçün çox mürəkkəbdir, böyüklər üçün isə darıxdırıcı. Bununla belə, bəzi ekspertlər həmişəki kimi xarizmatik olan Cek Blek və Ceyson Momoa-nın performansını bəyəndilər, həmçinin Cared Hessin rejissorluğunu qeyd etdilər.
“Filmdə baş verənlərin tamamilə əlaqəsiz olması özünəməxsus bir cəsarət daşıyır: müəlliflər sanki böyük bir büdcə alıb, ‘Bilirsiniz də, bu Minecraft filmidir’ deyərək tam bir absurd çəkiblər.” – The New York Times, 70/100.
“Bir tərəfdən cansıxıcı formullara sadiqlik, digər tərəfdən isə tamamilə gözlənilməz dəlilik – sözün qısası, uğursuz film, amma içində bir qığılcım var.” – The A.V. Club, 42/100.
“İstədiyiniz qədər qazın, amma bu axmaqlıq mağarasında ağıllı heç nə tapmayacaqsınız.” – New York Post, 25/100.
Minecraft filminin premyerası 4 aprel tarixində baş tutacaq. Filmin büdcəsi 150 milyon dollardır.
Fikirləriniz ?
