İnternetdə Gabe Newell-in tanınmayan bloqer Zalakar Saliyevə verdiyi qəfil müsahibə müzakirə olunmaqda davam edir. Bu dəfə söhbət Valve şirkətinin yaradıcısının öz sərvətinin səbəbləri barədə fikirlərindən gedir.
Gabe Newell-in şəxsi sərvəti 9,5 milyard dollar olaraq qiymətləndirilir, lakin o, bu pulu hansısa inanılmaz müəllif biznes strategiyası ilə qazanmadığını, əksinə, vaxtında şanslı olduğunu və ətrafında doğru insanların yer aldığını bildirir.
“Uğurun hazır resepti yoxdur, hər kəs öz yolunu tapmalıdır və bunu onun yerinə heç kim etməyəcək. Bu, xoşagəlməz həqiqətdir: hamının edə biləcəyi sadə şüarlar və asan yollar yoxdur. Hər hansı bir fikir birinə görə möhtəşəm, digərinə görə isə müəyyən dövrdə dəhşətli ola bilər.
Mənim verə biləcəyim yeganə məsləhət — güvəndiyiniz və bütün məsələləri açıq müzakirə edə biləcəyiniz insanları ətrafınıza yığın. Birlikdə irəliləyin. Amma bu ‘’sadəcə arzularının dalınca get’’ söhbəti – yalnız eşidəndə gözəl gəlir. Reallıqda isə bir çoxları arzularının dalınca gedib… və bu onları birbaşa uçuruma aparıb”, — deyə Gabe Newell bölüşüb.
Newell-in fikrincə, insanlar uğurun “reseptlərini” axtaranda, əslində sağ qalanların səhvindən əziyyət çəkirlər: təsadüfi oxşar əlamətlər səbəb-nəticə əlaqəsi kimi qəbul edilir, halbuki bu belə deyil. Valve yaradıcısına görə, ən vacib olan — etibarlı insanlardır, xüsusilə də ümumi iş naminə xoşagəlməz həqiqəti deməkdən çəkinməyənlər. Amma bu belə, yalnız işi bir qədər asanlaşdıra bilər, amma heç vaxt uğuru zəmanət altına almaz.
Fikirləriniz ?
