Son vaxtlar oyun sənayesi Black Desert Online yaradıcılarının hazırladığı potensial hit “Crimson Desert” oyununu diqqətlə izləyir. Layihə həm oyun prosesi, həm də texniki baxımdan çox təsirli görünür. Yaxın zamanda mütəxəssislər oyunun PC versiyasını analiz etmiş və bununla bağlı ayrıca video paylaşmışdılar. Bəs konsollarda vəziyyət necədir?
Digital Foundry eksperti Riçard Lidbetter oyunun PlayStation 5 Pro versiyasını test edib. Ümumilikdə o, nəticədən razı qalıb, lakin bəzi çatışmazlıqları da qeyd edib.
Lidbetterə görə, Crimson Desert PS5 Pro-da yaxşı işləyir. BlackSpace mühərriki böyük açıq məkanlarla uğurla işləyir, performans və animasiyalar yüksək səviyyədədir. Qeyd edək ki, test zamanı PSSR texnologiyasının yenilənmiş deyil, ilkin versiyasından istifadə olunub.
Eksperti xüsusilə oyundakı işıqlandırma heyran edib — onun fikrincə, bu, PC versiyasından geri qalmır. Konsoldakı üç rejimin (Performans, Keyfiyyət və Balans) hamısı şüa izləmə texnologiyasını dəstəkləyir.
Bununla belə, bəzi problemlər də var. Bəzi səhnələrdə qrafik artefaktlar görünür və kadr tezliyi bəzən düşür. Xüsusilə Balans rejimində döyüş zamanı FPS 30-a qədər enə bilər. Şəhərlərdə isə kiçik donmalar müşahidə olunur.
Crimson Desert 20 mart tarixində PC, PlayStation 5 və Xbox Series platformaları üçün çıxacaq.
Fikirləriniz ?
