Bir müddət əvvəl Naughty Dog studiyasının həmtəsisçisi və The Last of Us seriyasının yaradıcısı Nil Drakmann, pərəstişkarlara üçüncü hissəni gözləməməyi tövsiyə etdi. Onun sözlərinə görə, franşizenin hekayəsi artıq ikinci hissə ilə tamamlanıb.
Lakin bu açıqlamadan cəmi bir neçə gün sonra etibarlı insayder Daniel Richtman Drakmannın sözlərini təkzib etdi. Onun məlumatına görə, The Last of Us Part III artıq aktiv inkişaf mərhələsindədir. Oyunun süjeti və buraxılış tarixi hələ açıqlanmasa da, Naughty Dog-un layihə üzərində işlədiyi iddia olunur.
İnsayder Daniel Richtman iddia edir ki, The Last of Us: Part III artıq inkişafın irəliləmiş mərhələsindədir. Naughty Dog studiyası artıq bir neçə aktyoru seçib və oyundakı səhnələrin çəkilişinə başlayıb. Nil Drakmann isə əvvəllər üçüncü hissənin planlaşdırılmadığını desə də, bu, pərəstişkarları çaşdırmaq üçün bir taktikaya bənzəyə bilər.
Nəzərə alsaq ki, The Last of Us çoxmilyonluq gəlir gətirən bir franşizedir, Sony və Naughty Dog kimi şirkətlərin ondan imtina etməsi real görünmür.
Hələ 2023-cü ildə Richtman, üçüncü hissənin ilkin konseptini açıqlamışdı. Onun sözlərinə görə, oyun müsadirəçilərdən (Scavengers) bəhs edəcək – onlar şəhər kənarında tərk edilmiş malikanədə yaşayırlar. Ellie isə bu layihədə mühüm rol oynayacaq. Drakmann isə əvvəllər bildirmişdi ki, yalnız maraqlı bir konsepsiya tapsa, üçüncü hissə üzərində işləməyə başlayacaq. Görünür, artıq belə bir ideya tapılıb.
Fikirləriniz ?
