Grand Theft Auto VI gələn ilin ən çox gözlənilən oyunlarından biri hesab olunur. Lakin görünür ki, Rockstar Games inkişaf prosesində müəyyən problemlərlə üzləşib və bu səbəbdən oyunun çıxışı təxirə salınıb — üstəlik, iddialara görə, bu son dəfə deyil.
Daha əvvəl Wolverine və LEGO 2K Drive oyunlarının anonsunu dəqiq proqnozlaşdıran insayder «Milli Amand» iddia edir ki, Rockstar Games GTA VI-nın buraxılışını 2026-cı ilin sentyabrına keçirməyi müzakirə edir. Digər mənbə — oyunun əsas personajları barədə məlumatları ilk paylaşan GameRoll isə əlavə detallar verib. Onun sözlərinə görə, Rockstar oyunun mühüm bölmələrindən birini yenidən işləyir və bəzi məzmunları layihədən çıxarıb. Məhz bu səbəbdən studiya vaxtında yetişməkdə çətinlik çəkir. Həmçinin, şirkət GTA VI Online-ı da daha yaxşı vəziyyətə gətirmək niyyətindədir.
Hazırda GTA VI-nın rəsmi buraxılışı 2026-cı ilin may ayına planlaşdırılıb. Oyun yalnız PlayStation 5 və Xbox Series X/S üçün çıxacaq. PC versiyasının nə vaxt təqdim ediləcəyi isə hələ məlum deyil. Analitiklərin fikrincə, oyun ilk aylarda Rockstar-a GTA V-dən daha çox gəlir gətirə bilər.
Fikirləriniz ?
