“Insomniac Games” studiyasının bir vaxtlar dəyişməyən rəhbəri Ted Prays təqaüdə çıxdığını elan etdi. Prays 2024-cü ilin sonunda qərar verdi və artıq mart ayında vəzifəsini (və sənayeni) tərk edəcək. Onu eyni anda üç nəfər əvəz edəcək: Rayan Şnayder, Cen Huanq və Çad Dezern.
Tərtibatçı, qərarını izah etdiyi (yeni insanlar üçün yer açmaq niyyətindədir) uzun bir məktub dərc etdi və fanatların dəstəklərinə görə təşəkkür etdi. Tezliklə şirkət rəhbəri də onların sıralarına qoşulacaq.
Xatırladaq ki, Prays 1994-cü ildə Insomniac Games-in əsasını qoymuşdu, baxmayaraq ki, əvvəlcə studiya “Xtreme Software” adlanırdı. 30 ildən çox müddət ərzində komanda Spyro the Dragon, Ratchet & Clank və Resistance kimi bir çox məşhur oyun seroyalarını yaratmışdır. Studiya hazırda əsas diqqətini Marvel-in Spider-Man layihəsinə və Marvel-in Wolverine-nə yönəldib.
Fikirləriniz ?
