“Kingdom Come: Deliverance II” oyunu təkcə birinci hissənin performansını deyil, həm də naşirin gözləntilərini əhəmiyyətli dərəcədə üstələdi. Buraxılışdan bir həftə yarım sonra oyunun satışları iki milyon nüsxə nəticəsinə yaxınlaşdı.
“Embracer” holdinqi maliyyə hesabatında oyunun uğurunu xüsusi qeyd edib. Oyun buraxıldıqdan cəmi 24 saat sonra artıq bir milyon nüsxədə satılmışdı və “sürətlə iki milyona yaxınlaşır”. “Embracer” əmindir ki, oyun gələcəkdə qazanc əldə etməyə davam edəcək:
:Əminik ki, “Kingdom Come: Deliverance II” oyununun müstəsna keyfiyyətini və cəlbediciliyini vurğulayaraq, qarşıdakı illərdə də əhəmiyyətli gəlir əldə etməyə davam edəcək. “Warhorse Studios” icma üçün cəlbedici və daim inkişaf edən təcrübəni təmin edən növbəti 12 ay ərzində gələcək yeniliklərin və yeni məzmunun möhkəm yol xəritəsinə malikdir.
Fikirləriniz ?
