Electronic Arts artıq Battlefield seriyasının yeni hissəsini — Battlefield 6-nı təqdim edib. 24 iyul tarixində baş tutan rəsmi təqdimat zamanı oyun seriyanın tammiqyaslı yenidən başladılması kimi təqdim olundu və bu, EA-nın son illərdəki ən iddialı layihələrindən biri kimi qiymətləndirilir.
Mediada yayılan məlumatlara əsasən, şirkət bu layihəyə böyük ümidlər bəsləyir və məhz bu səbəbdən bir sıra digər oyunların, o cümlədən Marvel ilə əməkdaşlıq çərçivəsində hazırlanmalı olan Dəmir Adam oyununun buraxılışı təxirə salınıb. EA-nın Marvel ilə imzaladığı müqaviləyə əsasən, üç superqəhrəman oyunu buraxılmalıdır, lakin Battlefield 6-nın uğuru üçün bu planlar bir neçə il sonraya keçirilib. Digər layihələr barədə isə hələ dəqiq informasiya yoxdur.
Qeyd edək ki, EA-nın məqsədi Battlefield 6 ilə 100 milyondan çox oyunçunu cəlb etməkdir. Bu göstəriciyə seriyanın əvvəlki hissələri belə çata bilməmişdi. Oyunun inkişaf prosesi çətin keçib, bir neçə daxili studiyanın cəlb olunması və texniki çətinliklər nəticəsində layihənin büdcəsi artıq 400 milyon dollardan çox olub. Battlefield 6 artıq təqdim olunub və oyunçular tərəfindən böyük maraqla qarşılanır.
Fikirləriniz ?
