Bloomberg nəşri operativ yaddaş çatışmazlığı və bu böhranın elektronika istehsalına təsiri barədə material yayımlayıb. Təəssüf ki, vəziyyət sabitləşmək fikrində deyil: 2026-cı ildə bazarın ən böyük oyunçuları (Amazon, Microsoft və Alphabet daxil olmaqla) süni intellekt texnologiyalarının inkişafına ən azı 650 milyard dollar xərcləməyi planlaşdırırlar. Müqayisə üçün, 2025-ci ildə onlar bu sahəyə 217 milyard dollar investisiya qoymuşdular.
Nəticə etibarilə, komponentlərin qiyməti artmaqda davam edir. Məsələn, cəmi iki ay ərzində (2025-ci ilin dekabrından 2026-cı ilin yanvarınadək) bəzi yaddaş növlərinin qiyməti 75% yüksəlib.
Bunun fonunda Sony artıq PS6-nın buraxılışını təxirə salmaq variantını nəzərdən keçirir. Əvvəllər konsolun 2027-ci ildə satışa çıxacağı gözlənilirdi, lakin Bloomberg mənbələrinə görə, təqdimatın 2028-ci ilə, hətta 2029-cu ilə qədər gecikdirilməsi mümkündür.
Təbii ki, pis xəbər bununla bitmir. Eyni şayiələrə əsasən, 2026-cı ildə Switch 2-nin qiyməti arta bilər — hər halda, Nintendo belə bir ssenarini istisna etmir.
Fikirləriniz ?
