Electronic Arts və DICE “Battlefield 2042” ilə çox pis nəticə əldə etdi. Nəticədə, multiplayer seriyasının yeni hissəsində naşir və tərtibatçılar öz köklərinə qayıtmağı planlaşdırırlar.
EA növbəti (və hələ adı açıqlanmayan) Battlefield-ın təzə təfərrüatlarını paylaşdı. Hazırda brendi idarə edən Vince Zampellanın sözlərindən belə çıxır:
— oyun müasir münaqişə haqqında olacaq, tarixi döyüşlər və ya futuristik döyüşlər olmayacaq
— oyunda təbii fəlakətlər olacaq
— hammıya tanış sinif sistemi seriyaya qayıdacaq
— Oyunçu limiti klassik olacaq: hər matçda 64 döyüşçü
— komanda üçün ən yaxın istinad nöqtəsi Battlefield 3 və Battlefield 4 olacaq
Zampella, həmçinin qeyd etdi ki, tərtibatçıların əsas məqsədi (bura təkcə DICE deyil, Criterion, Motive Studio və Ripple Effect daxildir) istifadəçilərin etibarını bərpa etmək və onlara “həmin sevdiyimiz Battlefield-ı” verməkdir. Təəssüf ki, layihə haqqında ümumi sözlərdən başqa çox az məqam məlumdur: buraxılış tarixi və hətta platformalar hələ də sual altındadır. İlk testlər 2025-ci ildə keçirilməsi planlaşdırılır.
Fikirləriniz ?
